திங்கள், 23 மார்ச், 2015

முதலக்கம்பட்டியில் ஊர் நிருவாக அலுவலகம் எங்கே?

71vao-ofice-changed

முதலக்கம்பட்டியில்

ஊர் நிருவாக அலுவலர் அலுவலகத்தைத்

தேடி அலையும் பொதுமக்கள்

  தேவதானப்பட்டி அருகே உள்ள முதலக்கம்பட்டியில் ஊர் நிருவாக அலுவலகம் இல்லாததால் பொதுமக்கள் அவதிப்படுகின்றனர். முதலக்கம்பட்டி ஊராட்சிக்குற்பட்ட வைகை புதூர், சங்கரமூர்த்திபட்டி, முதலக்கம்பட்டி முதலான ஊர்களுக்கு ஊர் நிருவாக அலுவலகம் முதலக்கம்பட்டியில் உள்ளது.
 முதலக்கம்பட்டியில் ஊ.நி.அ.திகாரி அலுவலகத்திற்குக் கட்டடம் இ;ல்லை. இதனால் ஊ.நி.அ. அலுவலகக் கட்டடம் வருடத்திற்கு ஒருமுறை இடமாற்றம் செய்யப்படுகிறது. கடந்த சில மாதங்களுக்கு முன்னர், சமுதாயக்கட்டடத்தில் இயங்கியது. அதன்பின்னர் அக்கட்டடம் புறநூலகமாக மாற்றப்பட்டது. அதன்பின்னர் ஊர் வறுமை ஒழிப்புச் சங்கத்திற்குச் சொந்தமான இடத்தில் இயங்கியது.
  தற்பொழுது   ஊர் வறுமை ஒழிப்புச்சங்கம் அந்தக்கட்டடத்தை வைத்துக்கொண்டனர். இதனால் அடிக்கடி ஊர் நிருவாக அலுவலகம் இடம் மாறுகிறது. நிலையான   ஊ.நி.அ. அலுவலகக் கட்டடம் இல்லாததால் இப்பகுதியில் எந்த ஒரு ஊ.நி. அதிகாரியும் பணிசெய்ய முன்வருவது இல்லை. இதனால் பொதுமக்கள் கடும் அவதிப்படுகின்றனர். எனவே மாவட்ட நிருவாகம் ஊ.நி.அ. அலுவலகம் அமைக்க நிலையான இடத்தைத் தேர்வு செய்து கட்டடம் கட்டவேண்டும் என எதிர்பார்க்கிறார்கள் அப்பகுதி மக்கள்.
71vaigainaneesu


கருத்துகள் இல்லை:

கருத்துரையிடுக