14 திசம்பர் 2014
கருத்திற்காக..
ஈகியருக்கு நினைவேந்தலும்
மொழி உரிமை ஆண்டாக 2015 ஐ கடைப்பிடித்தலும்
மொழி உரிமைக் கூட்டமைப்பு ஒன்றை உருவாக்குதலும்
வணக்கம்,
தமிழகத்தின் வரலாற்றை மாற்றிய 1965 இந்தித்
திணிப்புக்கு எதிரான போராட்டத்தின் 50 ஆம் ஆண்டு எதிர்வரும் 2015 ஆகும்.
இவ்வாண்டில் மொழிப்போர் ஈகியர் நாளான சனவரி 25, 2015 முதல் ஓராண்டுக்கு
இந்தித் திணிப்பு எதிர்ப்பு மொழிப் போராளிகளின் நினைவை ஏந்துவதும் அந்தப்
போராட்டத்தின் உயிர்ப்பிலிருந்து புதிய மொழி உரிமைப் போராட்டங்களை
நடத்துவதும் காலத்தின் கட்டாயமாகிறது. இந்தியையும் சமற்கிருதத்தையும்
திணிக்கும் நரேந்திர மோடி அரசின் இன்றைய தமிழ்ப்பகை மொழிச்சூழலும் நம்மை
அச்சுறுத்தி வருகின்றன. இந்நிலையில் தமிழர்களிடையே மொழியுணர்வை மீ்ண்டும்
புத்துயிர்பெற வைக்க மாபெரும் இந்தித் திணிப்புக்கு எதிரான மாபெரும்
போராட்டத்தின் 50 ஆம் ஆண்டை நாம் கடைப்பிடிக்கவேண்டும்.
இதற்காக மொழி உரிமை குறித்து அக்கறையுள்ள
அனைத்து அமைப்புகளும் இயக்கங்களும் தனியசர்களும் ஒன்று சேரவேண்டியது
தேவையாகும். சனவரி 25, 2015 இல் தமிழகமெங்கும் நினைவேந்தல்களை நடத்துவது,
பிறகு ஆண்டு முழுக்க மொழி உரிமைப் போராட்டங்கள், கருத்தரங்குகள்,
கண்காட்சிகள் நடத்துவது, 1965 போராட்டம் உள்பட அனைத்து
மொழிப்போராட்டங்களையும் ஆவணப்படுத்துவது, மொழிப்போர் ஈகியர்களையும்
அவர்களது குடும்பத்தினரையும் அவரவர் ஊர்களில் சிறப்பிப்பது எனப் பல
முறைகளில் இந்த ஆண்டுக்கு நாம் அரசியல் முதன்மையை உருவாக்கமுடியும்.
இதற்காக, மொழி உரிமைக்கென தனியானதொரு கூட்டமைப்பை உருவாக்க முதல்
கட்டமாக சென்னையில் நவ. 30 அன்று ஒரு கலந்தாய்வு நடத்தப்பட்டது. அடுத்த
நிகழ்வு கோவையில் இந்தவாரம் 7 ஆம் நாள் சிறப்பாக நடைபெற்றது.அடுத்த நிகழ்வு மதுரையில் எதிர்வரும் ஞாயிறன்று நடைபெறவுள்ளது.
நாள்: கார்த்திகை 28, 2015 திசம்பர் 14, 2014 ஞாயிற்றுக்கிழமை. மாலை 4.30 மணி
இடம்: மணியம்மையார் மழலையர் பள்ளி, வடக்குமாசிவீதி, கிருட்டிணர் கோயில் எதிரில், மதுரை
இந்நிகழ்வுக்குப் பின் திருச்சியில் ஒரு நிகழ்வு ஏற்பாடு செய்ய வாய்ப்பிருக்கிறது.
சென்னையில் கூடி இறுதி முடிவு எடுக்கப்படும்.
கருத்துகளைப் பகிர்ந்துகொள்ள வாருங்கள்.தொடர்புக்கு செ.ச.செந்தில்நாதன் 9884155289
கருத்துகள் இல்லை:
கருத்துரையிடுக